背景:
阅读新闻

2018世界盃投注錦囊之日本攻略

[日期:2018-06-14] 来源:互联网  作者:szcgw [字体: ]
胜羽团队 北京PK10高手带人技巧计划交流群 870918 验证码 918

作為亞洲足壇多年嘅「Icon」,日本喺咁多屆世界盃征途上最遠行到去十六強顯然辜負一眾擁躉嘅期望,但如果佢哋想要喺今夏俄羅斯賽場上迎嚟突破亦恐怕無咁容易。臨陣換帥往往係兵家大忌,而日本就喺今年4月選擇放棄與球員們相處關係緊張嘅夏利荷錫,繼而任命現任日本足協技術委員長西野朗接過教鞭。雖然話就話長痛不如短痛,但留俾年過六十匆忙上任嘅西野朗只有兩個月嘅磨合時間,要想喺寥寥數場熱身賽當中灌輸更多自己嘅執教諗法絕非易事。更為閉翳嘅係,國家隊一批重臣由於逐漸被時間老人搵上門,喺隊內嘅作用已經持續下降,其中兩大支柱香川真司和本田圭佑近年個人發展軌跡皆大不如前,如今再想孭起成班波實在係勉為其難。至於喺英超搵食嘅前鋒岡崎慎司亦更多充當一枚戰術棋子而非攻堅首選,只有隊長長谷部誠喺中場線繼續肩負起傳承嘅重責。當然日本向來並唔缺乏新鮮血液嘅湧現,如喺西甲賽場時有亮眼演出嘅新一代大腦柴崎岳就有望獨當一面,而逐漸受到重用嘅原口元氣亦令攻擊線上有更多可能性。不過與進攻端相比,防守端恐怕會成為阻撓日本喺分組賽殺出重圍嘅最大不利因素,正選門將川島永嗣年事已高,以吉田麻也為首嘅後防線則穩重感欠奉,想要抵擋同組對手中如法卡奧和利雲度斯基等入球機器嘅來襲可謂難過登天。喺4年前嘅巴西世界盃,日本最終分組墊底出局;如今4年後實力甚至有所下滑,噩夢隨時重現。

投注錦囊
後防線一向係掣肘日本喺國際舞臺爭取好成績嘅主因,而且球隊面對球風硬淨嘅隊伍時往往辦法唔多,喺同組3位對手均火力十足嘅情況下,上盤值得留意。

柴崎岳 Gaku Shibasaki
出生年月:1992年5月28日

位置:中場

身高:175cm

如果今時今日大家一提起日本足球就只諗到香川真司和本田圭佑嘅話,咁喺今屆賽事當中,各位波友真係要特別留意一個名字——柴崎岳。呢位現年26歲嘅中場球員早在2016年世冠盃決賽中與西甲班霸皇馬過招時盡顯功架已經吸引世界球壇嘅關注,而喺去年夏天加盟西甲球會加泰後,接過10號波衫嘅柴崎岳又喺面對巴塞嘅比賽中貢獻技驚四座嘅世界波,而過人嘅傳射才華亦係佢能夠喺西甲賽場生存嘅最大資本。雖然日本球壇一直人才輩出,但喺攻擊線上有獨到魅力嘅柴崎岳已經準備好接過一眾前輩嘅衣缽。但作為新一代嘅中場指揮官,呢位日本7號波衫主人面臨嘅最大問題就係同隊友之間配合稍顯生疏,柴崎岳究竟會用乜表現嚟回答呢個問題確實令人期待。

FIFA排名61

本文地址:http://www.551799.com/show.aspx?id=5799&cid=15,转载请注明出处。

收藏 推荐 打印 | 录入:szcgw | 阅读:
相关新闻      
本文评论   查看全部评论 (0)
表情: 表情 姓名: 字数
点评:
评论声明
  • 尊重网上道德,遵守中华人民共和国的各项有关法律法规
  • 承担一切因您的行为而直接或间接导致的民事或刑事法律责任
  • 本站管理人员有权保留或删除其管辖留言中的任意内容
  • 本站有权在网站内转载或引用您的评论
  • 参与本评论即表明您已经阅读并接受上述条款